રાજ્યમાં કન્યાપૂજન સાથે શક્તિ આરાધના કરતા રૂપાણી

સૌરાષ્ટ્ર Publish Date : 07 October, 2019

◆ *નવરાત્રી પર્વ નિમિત્તે તા. ૭ થી ૧૩ ઓક્ટોબરના રોજ સમગ્ર જિલ્લા ભરમાં "નવદુર્ગા બાલિકા પૂજન" કાર્યક્રમ* 

◆ *રાજકોટ જિલ્લા ભાજપ દ્વારા અનેરૂ આયોજન તમામ મંડલોમાં ગામે ગામ થતી ગરબીઓની બાળાઓનું કાર્યકર્તાઓ દ્વારા પૂજન કરાશે*

◆ *નવદુર્ગા બાલિકાઓનું પૂજન સાથે પોષણક્ષમ કીટનું વિતરણ કરાશે* 

◆ *રાજકોટ જિલ્લા ભાજપ તેમજ મહિલા મોરચાના બહેનો દ્વારા સુંદર આયોજનને આપતો આખરી ઓપ*

◆ *'યત્ર નાર્યેસ્તુ પુંજયતે રમંતે તત્ર દેવતા' આ ભાવ જીવંત રહે અને સમાજમાં દીકરીઓના ઉત્થાનમાં સમાજ સક્રિયતાથી જોડાઈ તે ઉમદા હેતુ : સખીયા-મેતા-ઢોલ-બોધરા*


દેશ ભરમાં નવરાત્રી મહોત્સવ ચાલી રહ્યો છે. ત્યારે ગુજરાત સરકાર અને ભાજપ સંગઠન નવરાત્રી ઉત્સવ ઉજવણી કરવામાં દરમ્યાન સમગ્ર જિલ્લાના મંડલોમાં તા.૭ ઓક્ટોબર થી ૧૩ ઓક્ટોબર સુધી "નવદુર્ગા બાલિકા પૂજન" કાર્યક્રમ યોજવામાં આવેલ છે. રાજકોટ જિલ્લા ભાજપ મહિલા મોરચાની બહેનો તેમજ ભાજપના તમામ કક્ષાના હોદેદારો અને કાર્યકર્તાઓ ગરબી મંડળની બાળાઓનું પૂજન કરી પોષણક્ષમ કીટનું વિતરણ કરશે. જિલ્લા ભાજપ પ્રમુખશ્રી ડી.કે.સખીયા, મહામંત્રીશ્રી ભાનુભાઈ મેતા, જ્યંતીભાઈ ઢોલ, ડો.ભરતભાઈ બોધરાના તેમજ મહિલા મોરચાના પ્રમુખશ્રી રસીલાબેન સોજીત્રા, મહામંત્રીશ્રી રમાબેન મકવાણાના માર્ગદર્શન હેઠળ સમગ્ર જિલ્લા ભરમાં આ કાર્યક્રમનું આયોજન ભાજપના કાર્યકર્તાઓ મહિલા મોરચાની બહેનો દ્વારા કરવામાં આવી રહ્યું છે. કાર્યક્રમને આખરી ઓપ આપવામાં આવી રહ્યો છે. 
આ અંગે *જિલ્લા ભાજપ  મહામંત્રીશ્રી ભાનુભાઈ મેતાએ જણાવ્યું હતું કે,* માન. વડાપ્રધાનશ્રી નરેન્દ્રભાઈ મોદીજીના સ્ત્રી સશકિત કરણ અને બેટી બચાવો બેટી પઢાવો અંતર્ગત બહેનોને હંમેશા સમાજમાં સન્માન મળી રહે  જિલ્લાના તમામ મંડલો ખાતે ગરમી મંડળની બાળાઓનું પૂજન કરાશે. નવદુર્ગા બાલિકા પૂજનનો હેતુ સમાજમાં મહિલાઓ પ્રત્યે સન્માન ભાવ પ્રસ્થાપિત કરવાનો છે. આપણા વેદોમાં પણ કહ્યું છે 'યત્ર નાર્યેસ્તુ પુંજયતે રમંતે તત્ર દેવતા' આ ભાવ જીવંત રહે અને સમાજમાં દીકરીઓના ઉત્થાનમાં સમાજ સક્રિયતાથી જોડાઈ અને દીકરા-દીકરીઓમાં ભેદભાવ ન કરે તે ઉમદા હેતુથી ગુજરાત સરકાર અને ભાજપ સંગઠન દ્વારા સમગ્ર ગુજરાત ભરમાં આ આયોજન કરવામાં આવ્યું છે. જિલ્લા ભાજપના મહિલા મોરચાની બહેનો તેમજ ભાજપના કાર્યકર્તાઓ મંડલોમાં ચાલતી એક એક ગરબી મંડળનો સંપર્ક કરી બાલિકાઓનું પૂજન કરી પોષણક્ષમ કીટનું વિતરણ કરશે. તમામ કક્ષાના કાર્યકર્તા ઉપરોક્ત કાર્યક્રમમાં સક્રિય રીતે જોડાઈ ભાગ લે  તેવો જિલ્લા ભાજપ ટીમ દ્વારા અનુરોધ કરાયો છે. 

Related News